पिया मत जा अबे परदेश (भोजपुरी )

जे तू छोड़ी जइब घरवा-दुआर
ते सगरो हेराई जाई हो
पिया तोहरे से घर -संसार
ते मनवा पिराई जाई हो
उहाँ कटी तोहर एकरे जवानी
इहाँ होइहे  जिआन मोर जवानी
पिया कर जनी ऐइसन नादानी
ते सगरो हेराई जाई हो !
चली जईब ऐइसे नेहिया छोड़ाई
जहिये सगरो सवतियाँ जुड़ाई
मारी ताना रहिए हमके सुनाई
ते जिनगी नसाई जाई  हो
रहब एईसे जो दूर मोरे सजना
कईसे गोदिया खेली मोरे ललना
लाल बिना रही जिनगी विरान
ते जिनगी नसाई  जाई हो
जे तू छोड़ी जइब घरवा-दुआर
ते सगरो हेराई जाई हो ||